XEOGRAFÍA FÍSICA:
 O municipio de Ourense, situado no val do Miño, ocupa unha superficie de 84.5 km2. Un espacio que se configura en varias unidades. Por un lado atópanse as elevacións que non superan os 500 metros (Montealegre, 474 m). E por outro a rede fluvial que forman diferentes niveis de terrazas. Neles abundan os depósitos aluviais mentres que no resto sobresaen as rochas ígneas (granitos).
A rede hidrográfica esta presidida polo gran río de Galicia: o Miño. Encorado na presa de Velle, por onde entra no concello, anchea o val con vertentes pouco pronunciadas e escava a foxa de Ourense. Cun caudal absoluto de 278,5 metros cúbicos por segundo, recibe no termo municipal o Loña (que sorte de auga para o consumo a cidade) e o Barbaña.
Relacionado cas fracturas que xerou a tectónica atópanse diferentes mananciais de augas termais. De composición sulfurosa-alcalina-ferruxinosa e con caudais abondosos e temperaturas variables (de 30°C a 67°C ).
Na vexetación, e dada a configuración fluvial, aínda se conservan, especies ribeiregas como: salgueiros, ameneiros ou freixos. Carballos, castiñeiros forman parte do bosque clímax, e nos lugares de influencia climática mediterránea medran sobreiras e érbedos, ademais de plantacións de vide.
|
